بقلمـــي ..رواية "دنياي ماهي شي بدونك"

"size=18] رواية

دنياي ماهي شي بدونك"

من تأليفي ..حبيت اسدحها لكم

واتمنى تتفاعلون...

على اذان الفجر ..قام طارق من سريره وراح توضى ..لأنه بيروح لصلاة الفجر ..خلص توضي ..وفتح باب الغرفه..وهو فاتح باب الغرفه ..خالد يفتح باب غرفته ..رايحين صلاة الفجر..وهم نازلين من الدرج أحمد ناطرهم تحت..نزلوا طارق وخالد وراحوا الصلاة هم واحمد وصلوا مع الجماعه وهم طالعين من المسجد.. سمعوا صوت ناصر(ولد العم):احمد..;

التفتوا ثلاثتهم..اقترب ناصر:السلام عليكم شباب ..ردوا السلام وراحوا يتمشوا هم وناصر قاصدين بيوتهم وهم يتمشون،أحمد: اقول ناصر

ناصر: سم ..$أحمد:طلال وينه ما اشوفه وياك..ليش جاي لحالك؟..،قاطعه خالد: ايه والله طلال وين عنك مو بالعاده مايصلي بالمسجد..

ناصر:طلال اخوي امس جاي كان رايح يدور ع شغل..وما قدر يجي معي اليوم..تعبان

طارق:خير اشعنده؟ ‏‎ ‎

ناصر:رايح يدور ع شغل .. أحمد(وهو يهز راسه): اااه..بعد شوي وصلوا البيت ،ناصر:مشكورين ..نشوفكم ع خير

ردوا:ان شاءالله..ودخلوا البيت..طارق وخالد بسرعة البرق ع غرفهم..عاد طارق ما احد يلحقه ف النوم.. و احمد الشاب العملي ف العائله ما ينام بعد الصلاة ..راح وقوم أخته الوحيده منى وامه..وبعدها راح للسياره يتفحصها قبل مايروح الدوام..

‏..

الساعه ٧ الصبح أحمد راح غرفته لبس لبس الدوام وفطر وطلع بسيارته..أحمد طالع وخالد توه نازل من غرفته ..نزل يفطر مع امه واخته ..وجلس الأم:صباح الخير ي وليدي..خالد:هلا يمه..صبحك الله بالنور

منى:طروق للحين نايم..اقول اخوكم هذا بيفضحنا عند الناس لما بيتزوج..يمضي النهار بطوله نوم..ما يشبع

خالد: ايش نسويله يعني..الأم:الله يهديه بس..اقول يمه خالد طارق ما حصل شغل للحين..خالد:أهو دور على شغل اصلا..مسكين احمدوه يركض هنا وهناك يدورله ع وظيفه

الام:عسى يارب توفق ولدي احمد..يارب ترزقه بزوجة صالحه وذرية خيره..

‏...

الساعه ١ ظهر احمد داش البيت:هلا يمه ..هلا بالغاليه..هلا بأم احمد

الأم:ها اشعندك وليدي..اشوفك منبسط

احمد:بس مبسوط ..انا الدنيا ما توسعني..ولدك طروق وينه؟

طارق وهو نازل:اشعندكم ع طروق..؟ احمد:هلا بالكسلان ..هلا باللي بكره حيداوم ف الشركه

انصدم طارق وقال وهو يمسك راسه:ها...اي شركه وأي..... فجأه نزلت منى وخالد:شركة شو؟

احمد:اخوكم الحبيب طارق بكره بيقوم من ساعه ٧ لأجل يروح شركته الجديده ههه

منى(وهي تطالع طارق): الله يفرحك ويبشرك بالخير ي اخوي...اكييد بكره يوم السعد عن طارق..لاتخاف اخوي انا بكويلك الدشداشه والقطره وانا بعطرك وبخليك زينة الشباب..

طارق(نظرة استحقار واستهانه لمنى): اقول لو ما سكتي بتكون هذي اخر ساعه لك بالحياة..

طارق وهو يطالع احمد: من جدك؟‎ ‎يعني بكره ما بنام الصبح واحسافه..

خالد:انا بخاطري سؤال من زمان..انت اشحقه دارس بالجامعه..لأجل تنام الحين؟

الأم:بس يلا حبايبي روحوا تجهزوا لأنه اكيد طارق بياخذنا البحر بسبب الوظيفه

طارق وهو يمسك راسه:و بعد بحر..انت من جدك يمه..

الام:ايوه من جدي..ليش بتخالفني

طارق وهو يبتسم ع طرف: ما عاش..ماعاش الي يخالفك ام احمد ولو بحر وبر بعد..

منى تغمز لأحمد وهي تبتسم:خير سويت اخوي

‏...

‏...

اليوم التالي(الساعه ٧صباحا):

طارق داخل غرفته لابس دشداشه بيضاء وشماغ وواقف قدام المرايه وماسك العطر بإيده يتعطر ..دخلت منى عليه وقالت:الله..الله شو هالحلا والزين..وعطر بعد! امم ..هذا اللي ما يبي يداوم..

التفت عليه طارق وغمزلها بعينه وقال:صدق ! انا ماسويت شي بعد..أخاف تنقرض شركتهم من البنات اذا ...

قاطعته منى: اذا كشخت ع اخر حد..

قربت منه شوي وهي تمسح ع كتفه وتقول:عاد اخوي اختارلك وحده من هنا وهناك..تلحلح شويه

وراحت عنه

تابع

[/size]

ي ويلي عليكك
قصةة خنفششآإريةة
وآآو
آستممري .. ويالله متآبعينككي الغلاآإ
الله يعطيكك العآإفيةة

تــــابع

اول يوم لطارق بالشغل..دخل طارق الشركة وهو يتلفت ..

وكل احد يطالعه وهو داخل..دخل عند المكاتب وسلم ع اللي جنبه ودخل مكتبه وقال وهو يمسك الاوراق: يعني انا كل يوم بجي اشتغل عليكم! اللهم صبرني

‏..

‏..

في البيت منى وامها بالصاله..:

الام: يمه منى أحمد اخوج متى بينتقل يشتغل هنا ؟من زمان وهو بعيد،،

منى:يمه..تدرين انه أحمد تعود على الشغل هناك وما وده يجي هنا..يتغير عليه الجو

فجأة جرس الباب يدق..

منى:جايه..جايه

فتحت منى الباب ..

الام:منى..من في الباب؟

منى:هذي خالتي ام سالم وبنتها

الام:ي هلا ومرحبا تفضلوا ..تفضلوا

راحت منى تجهز السفره لأم سالم وبنتها

في الصاله:

ام أحمد:هلا والله بهالطله ام سالم..زارتنا البركه..اشلونك؟

ام سالم:البيت منور بأهله..

ام أحمد:ها يمه هدى اشلونك

هدى بنت ام سالم:هلا خالتي..انا تمام الحمدلله

ام سالم وهي تضغط ع اصابعها :بصراحه ام احمد انا يايتك اطلبك ..

ام احمد:نعم تفضلي ي الغاليه

ام سالم:اممم..ودي اطلب ايد بنتك منى لولدي سالم..

انتفضت ام احمد وبدت تحرك عينها يمين وشمال ..

ام سالم:بصراحه ولدي سالم طالبها بنفسه..

ام احمد:اااا..ام سالم

قاطعتها ام سالم:سمعيني ام احمد..انا اكيد ما رح القى احسن من منى اخلاق وجمال اتمنى ما ترديني ام أحمد..

ام أحمد:فاجئتيني ام سالم...بس..بس

ام سالم:شنو ام أحمد..

ام احمد: بصراحه في شي لازم تعرفينه لأنه مرتبط بحياة ولدج سالم...

ام سالم:ها أم أحمد خير اش صاير..

ام احمد:امم..بنتي منى..بنتي منى عقيم ماتجيب عيال

ام سالم:ها!

وبدأت تظهر آثار الصدمه والخوف على وجه ام سالم وبعد دقائق معدوده قامت ام سالم وبنتها بدون كلام وطلعت من البيت.. ‏

في بيت ام سالم:‏

ام سالم وبنتها داخلين البيت وهي تقول:لا والله هذا اللي ناقص..ازوج ولدي بنت ما تجيب اولاد..ليش ولدي اش ناقصه..ريال اش زينه واش حلاته

فجأة سالم نازل:ها يمه ..شو قلتي..منى.....‏

الام:ايووه ي وليدي منى عقيم...‏

اندهش سالم من قول امه ودار ظهره لوراء وقال:حتى ولو يمه..انا ما ابي غير منى..‏‎ ‎‏ ارجوك يمه

قربت امه منه وقالت:لا تحلم فيها ولو حلم ي سلوم..انا ابي اشوف عيالك..اش عليه تعيش معاها وهي ما تجيب عيال..

التفت لها سالم وقال:عيل منو بيتزوجها..اش ذنبها هي ما تجيب عيال هذا من عند ربها..

قالت ام سالم:لا حبيبي..يعني انت تبتليبها؟ ابدا بياخذها واحد متزوج مو انت شباب..بأول حياتك

التفت سالم لأمه ونظرلها نظرة حزن وطلع من البيت،قالت هدى أخت سالم:ليش ي يمه ..ليش تحرمينه من سعادته اهو لاقي سعادته عند منى

راح سالم بسيارته وجلس جنب البحر ..يطالع البحر وهو يقول:

قلبى على جمر المحبه يناديك،،

يااللي غلاك بوسط روحي وذاتي،،

شكيت من هم المفارق وأناجيك،،

وتبقى على بالي طيلت حياتي،،

ماأنساك لا حشى ماأقدر أخليك،،

من يوم ميلادي لساعة وفاتي،

طارق بالشركه:

وهو طالع يبي يركب بالمصعد فلما وصل للمصعد ..لقى قدام المصعد بنت لفتت نظره لما فيها من حشمه لابسه عباية ونقاب عرف اشكثر هي محترمه وادبها...صار موقف له عند المصعد عرف اخلاقها منه..لما فتح المصعد تلقائيا مد طارق رجله لباب المصعد يريد يركب ..وقتها شاف البنت ما تحركت رجع طارق رجله وقال: اشفيك اختي تعالي ركبي..

قالت:لا والله حشى..انت اركب وانا بركب المره الجايه..قالها:لا ..انتي ركبي انتي جايه بالأول

البنت:لا عادي بكلم التاكسي يتأخر

قال طارق وهو يبتسم:عادي انا اقدر انطر عندي سيارتي.. اما انتي يمكن تحصلي سياره اولا

قالت:لا والله اخوي انت روح خلاص

راح طارق بالمصعد وهو يفكر بهالبنت الخلوقه..وصل وراح بسيارته..وصل بيتهم وهو مازال يفكر بها

دخل طارق بيتهم ..وجلس وهو يفكر جلس حوالي ساعه في بيتهم ..بعد شوي نزلت منى اخته وجلست جنبه..:ها اشعنده اخوي يفكر..سرحان

طارق:اسكتي اسكتي يا منى..اليوم شفت بنت ..يا سلام

منى:ها، بنت ..حلوه كيفها اوصفلي

التفت لها طارق وقال:اي حلوه..ي اختي هالبنت حلوه من داخل ..البنت متنقبه..اخلاق واحترام

منى تشوف يمين وشمال وتحرك راسها ..

نرجع لسالم عند البحر والف دواوين لمنى ..

سالم عند البحر وهو يقول:

"ياشوق خبرني عن اللى انا اغليه

عن واحد روحي بحبه شغوفه..

أغليه من بد المخاليق وافديه

احس للفرح طعم يوم اشوفه ..

يطلب عيوني ..

يطلب القلب وأعطيه..

وأرهن حياتي بين ضمه كفوفه.."

بعد شوي حرك سالم سيارته وهو يقول:لا ابد ما أتخلى عنك منى..

راح بسرعه لبيتهم ودخل ووصل لقدام امه ونزل راسه ..بعد ثواني رفع راسه وتحرك شوي عن امه وقال: يمه..منى ما بتكون لأحد غيري

وراح بسرعه لفوق قبل ماتقول امه شي..التفتت الام لبنتها وقالت:اشفيه هذا استخف ولا شو؟

بأنتظار تفاعلكن مع القصة ..وبحط الجزء الثاني

وآآوو قصةة حمآسينشن

بس لسى ماكملتها انا حتى الي قبل
بكملهآإ
يسلمموو
يالله وننتظر الجزء الثاني

ميرسسي قلبيي

ووووين الحمآآآآس

ما عطيتوني تفاعل ..اعطوني شو تتوقعوا يصييييير

رائــعه روايتك ياملاك
ابدعتي ف هذا الشئ
موهبه جمييله صراحه
استممري ف موهبتك الحلوه
والله يوفقك
سلمت يداك